Старшыня Баранавіцкага гарвыканкама Юры Грамакоўскі пабываў у двары на вуліцы Р. Люксембург, дзе летась трагічна скончыўся апошні палёт лётчыкаў-герояў Андрэя Нічыпорчыка і Мікіты Куканенкі.
Хто бываў у гэтым двары паўгода таму і патрапіў цяпер, ні завошта не пазнае яго тэрыторыю - яна змянілася кардынальна.
Змяненні бачныя ўжо на вуліцы Р. Люксембург. Работнікі «Баранавічырамбуда» яе прагрэйдзіравалі, а на стаянку каля дамоў, дзе ўпаў самалёт, завозяць асфальтагранулятаў. Гудзіць тэхніка, дзелавіта ходзяць працоўныя.
- Стаянку добраўпарадкуюць, а вуліцу плануецца падсыпаць дробнымі камянямі, - распавядае галоўны архітэктар горада. - Такое рашэнне дазволіць сыходзіць у зямлю вільгаці, якой тут нямала.
Ад лішняй вільгаці пакутаваў і сам двор, які пасля багатых дажджоў ператвараўся ў сапраўднае балота. Цяпер тут усё па-іншаму: сюды завезлі тоны грунта, які акуратна размяркоўваецца па ўсёй тэрыторыі двара. Тут жа працоўныя разраўноўваюць яго граблямі, частка траўніка ўжо засеяна травой.
- Хочацца спадзявацца, што мясцовыя жыхары беражліва паставяцца да добраўпарадкавання, - кажа Віталь Палуянчык, галоўны архітэктар горада. І дэманструе сляды ад веласіпедных колаў на свежазасеяным газончыку: нехта вырашыў «зрэзаць» пяць метраў і праехаць наўпрост, а не па дваровых дарожках.
- Прадумалі, як паліць газон? – цікавіцца Юры Грамакоўскі.
- Цяпер вырашаем гэтую задачу, - адказваюць спецыялісты службы азелянення.
У цэнтры двара ўжо акуратна выкладзена дробнаштучная плітка, устаноўлены металічныя свяцільні. На месцы, дзе будзе памятны мемарыял у гонар загінуўшых лётчыкаў, стаіць своеасаблівы шацёр, які прыкрывае пастамент, які рабочыя зашываюць гранітам. Праца спорыцца.
- Калі плануеце скончыць? - задае пытанне кіраўнік горада.
- Не пазней за 15 траўня, - адказвае Фёдар Галабурда, галоўны інжынер «Баранавічырамбуда».
Галоўны архітэктар расказвае, што яшчэ плануецца зрабіць у гэтым двары:
- Паміж дамамі ўсталюем дзіцячую гульнявую пляцоўку, з тарца дома паставім сушку для бялізны, яшчэ адну - удалечыні двара.
Рабочыя ЖРЭУ тым часам заканчваюць абнаўляць фасад аднаго з дамоў двара, работы на другім ужо скончаны. Абодва дамы не пазнаць: іх абтынкавалі і пафарбавалі.
- Усе вы памятаеце, што 19 траўня - гадавіна з дня смерці нашых Герояў, і да гэтага ліку, нават раней, усе працы тут трэба завяршыць, - дае даручэнне кіраўнік горада.